Հնդկաստանում վեց տղամարդ է ձերբակալվել կնոջ եւ նրա չորս երեխաների, այդ թվում՝ 10 ամսական փոքրիկի սպանության համար, քանի որ կնոջը վհուկ են համարել՝ հայտնում է Thomson Reuters Foundation-ը։
Ոստիկանության տվյալներով, գյուղի զայրացած բնակիչները ներխուժել են կնոջ տուն՝ Օդիշա նահանգում, եւ նրան ու նրա երեխաներին մահացու ծեծել են գյուղատնտեսական գործիքներով ու նետել ջրհորը։ Գյուղի բնակիչները կնոջը մեղադրում էին 12-ամյա աղջկա մահվան մեջ, որին իբր կախարդել էր այդ կինը։
Սպանության մեջ մեղադրում են վեց տղամարկանց, ներառյալ՝ տեղի կախարդին։ Չեն բացառվում լրացուցիչ ձերբակալությունները։
Ազգային բյուրոյի տվյալներով, 2016թ․ գրանցվել է 134 սպանության դեպք՝ կապված «վհուկների որսի» հետ։ Ընդ որում, դրանց մեծ մասը կատարվել է Օդիշա նահանգում։