Նեպալում կանանց դաշտանի ժանանակ տնից վտարելը դադարեցնելու անհապաղ կոչեր են հնչել աղջկա մահից հետո, որը մեկ շաբաթվա ընթացքում չորրորդ զոհն է դարձել, գրում է Thomson Reuters Foundation-ը:
17-ամյա Պարբատի Բոգատին խեղդվել է այն բանից հետո, երբ կեղտոտ եւ առանց պատուհանների քարե հյուղակում կրակ է վառել, որտեղ բազմադարյա հինդուիստական «չխաուպադի» ավանդույթի համաձայն ստիպված է եղել քնել: Չնայած պաշտոնական արգելքին՝ ավանդույթը դեռ տարածված է Նեպալում:
Մինչ այդ նման հանգամանքներում մահացել էին կինը եւ նրա երկու որդիները, ինչը հանգեցրել էր խորհրդարանական հետաքննությանը եւ բնակիչներին նախազգուշացրել էին, որ նրանց կմերժեն պետական նպաստների տրամադրման դեպքում, եթե գտնեն չխաուպադիին հետեւողներին: