News
Լրահոս
News
Հինգշաբթի
Սեպտեմբեր 24
USD
485.42
EUR
565.17
RUB
6.29
ME-USD
0.01
Տեսնել լրահոսը

ԵԽԽՎ–ի մոնիթորինգային խմբի հայտարարությունը հերթական անգամ հաստատում է, որ Ռոբերտ Քոչարյանը քաղաքական բանտարկյալ է։ Այս մասին NEWS.am–ի հետ զրույցում ասաց երկրորդ նախագահի պաշտպանական խմբի անդամ, փաստաբան Սարգիս Գրիգորյանը՝ անդրադառնալով Եվրոպայի խորհրդի խորհրդարանական վեհաժողովի հայտարարությանը՝ ՀՀ վարչապետ Նիկոլ Փաշինյանի՝ դատարանների մուտքերն արգելափակելու կոչի վերաբերյալ։

«Ռոբերտ Քոչարյանը քաղբանտարկյալ է, քանի որ նրան քրեական հետապնդման ենթարկելու հիմքում ընկած են քաղաքական դրդապատճառներ։ Այս հանգամանքը հիմնավորվեց Նիկոլ Փաշինյանի երեկվա հայտարարություններով և կոչով։ ԵԽԽՎ–ի մոնիթորինգային խումբն արձանագրել է, որ Հայաստանում առկա է ակնհայտ ազդեցություն դատական իշխանության վրա, և ԵԽԽՎ–ն ուղղակի կապ է արձանագրել այդ գործողությունների և Քոչարյանի գործով որոշման միջև։ Միջազգային կազմակերպության ներկայացուցիչները կոչ են արել առաջնորդվել միայն օրենդրական ճանապարհով, ինչը նշանակում է, որ ոչ թե պետք է դատարանների դռներ փակել և պարալիզացնել դատարանների աշխատանքը, այլ պետք է վերադառնալ իրավական դաշտ»,- ասաց նա։

Փաստաբանի խոսքով՝ այս հայտարարությունը ևս մեկ ապացույց է ՄԻԵԴ-ում հաստատելու, որ Քոչարյանը քաղաքական բանտարկյալ է։

Անդրադառնալով «ԵՄ-Հայաստան խորհրդարանական գործընկերության հանձնաժողովի» պատվիրակության ղեկավար Սաջադ Քարիմի՝ Հայաստանում տեղի ունեցած դատարանների արգելափակման վերաբերյալ հայտարարությանը, փաստաբանն ասաց. «Եվրոպական միության կառույցների արձագանքը վկայում է, որ որ երեկ մեր երկրում տեղի ունեցած դեպքերը հակասահմանադրական են և ճնշում են դատական համակարգի նկատմամբ»։

Գրիգորյանի գնահատմամբ՝ դատարանների մուտքերն ու ելքերն արգելափակելու գործողությունները միաժամանակ խախտում են Մարդու իրավունքների և հիմնարար ազատությունների պաշտպանության մասին Եվրոպական կոնվենցիայի մի քանի դրույթներ՝ այդ թվում արդար դատաքննության և խտրականության արգելքի վերաբերյալ դրույթները։ «Այս ընթացքում Քոչարյանի գործով թաքնված օրակարգ է եղել, որը երեկ դուրս եկավ ջրի երես և կրկին ավելացրեց ՄԻԵԴ–ում մեր ապացույցների արսենալը»,- ասաց նա։

Գրիգորյանը միաժամանակ տեղեկացրեց, որ դեռ չեն որոշել երեկվա դեպքերի առնչությամբ լրացնել Քոչարյանի գործով ՄԻԵԴ ներկայացված գանգատները, թե նոր գանգատ ներկայացնեն ՄԻԵԴ։

«Բացի դատարանների նկատմամբ ազդեցությունից, այլևս պետք է արձանագրել, որ Ռոբերտ Քոչարյանը Հայաստանում արդարադատության մերժման զոհ է, ինչը հիմք է ՄԻԵԴ նոր գանգատ ներկայացնելու համար»,- ասաց նա։

Հիշեցնենք, որ մայիսի 20–ի առավոտից Նիկոլ Փաշինյանի հրահանգով քաղաքացիները արգելափակել էին Հանրապետության բոլոր դատարանների մուտքերը և ելքերը։ Կեսօրին վարչապետը կառավարությունում խորհրդակցություն անցկացրեց դատական համակարգում տիրող իրավիճակի կապակցությամբ և ասաց, որ եկել է «վիրահատական միջամտություններ» իրականացնելու ժամանակը։ Այս գործողություններին հաջորդեցին միջազգային տարբեր կառույցների հայտարարությունները։ ԵՄ երկու կառույցներ Փաշինյանի կոչով դատարանների մուտքերը և ելքերն արգելափակելու գործողությունները կապել են Ռոբերտ Քոչարյանին ազատ արձակելու մայիսի 18-ին կայացված որոշման հետ՝ կոչ անելով ՀՀ իշխանություններին չմիջամտել դատական իշխանության գործերին և ցուցաբերել զսպվածություն։

!
Այս նյութը հասանելի է նաև   English
Տպել
Կարդացեք նաև
Ամբողջը
Ռոբերտ Քոչարյանի փաստաբանը միջնորդեց նոր ապացույցներ պահանջելու վերաբերյալ
ՀՀ երկրորդ նախագահ Ռոբերտ Քոչարյանի գործով դատարանը, վերադառնալով հերթական կարճ դադարից հետո, սկսեց նոր ապացույցներ պահանջելու միջնորդագրի քննությունը...
Ռոբերտ Քոչարյանի փաստաբանը միջնորդել է անթույլատրելի ճանաչել քննիչ Մուշեղյանի կողմից ձեռք բերված ապացույցները
Ըստ Հովհաննես Խուդոյանի` քննիչ Մուշեղյանը բազմաթիվ կոպիտ եւ ակնհայտ խախտումներ է թույլ տվել նյութերի հավաքման ընթացքում...
Ռոբերտ Քոչարյանի եւ մյուսների գործով դատավորը հետաձգեց փորձաքննություն անցկացնելու մասին միջնորդության քննությունը
Երկու դատախազն էլ դեմ էին այս փուլում փորձաքննության անցկացմանը․․․
Ռոբերտ Քոչարյանի եւ մյուսների գործով դատախազները համաձայն չեն փաստաբանների փաստարկներին
Եթե պաշտպանական կողմը կոնկրետ տվյալներ ունի, նրան ոչ ոք չի զրկում կոնկրետ նյութն ուսումնասիրելու համար պահանջելու իրավունքից․․․
«Ես կխնդրեմ արեւի տակ չկանգնել եւ գնալ տուն». Ռոբերտ Քոչարյանը դատարանի բակում հանդիպեց իր աջակիցների հետ
Աջակիցները նրան դիմավորեցին ծափահարություններով եւ «Քոչարյան հերոս» վանկարկումով…
Երեւանում շարունակվում է Ռոբերտ Քոչարյանի եւ մյուսների գործով դատական ​​նիստը
Որ դատարանի նախորդ նիստին փաստաբանները միջնորդություններ էին ներկայացրել 2008 թվականի մարտի 1-ի դեպքերի վերաբերյալ գործի նյութերի ամբողջ ծավալը տրամադրելու վերաբերյալ...