News
Լրահոս
News
Ուրբաթ
Մարտ 29
Տեսնել լրահոսը

Լեռնային Ղարաբաղում ռուսական զինված ուժերի կիրառում չի ծրագրվում, նման դիրքորոշումը համաձայնեցված է ՌԴ ՊՆ-ի հետ, հակամարտության կարգավորման համար ձեռնարկվող միջոցները բավարար են: Այս մասին «ՌԻԱ Նովոստի»-ին ասել է Պետդումայի պաշտպանության հարցերի հանձնաժողովի նախագահի առաջին տեղակալ Անդրեյ Կրասովը:

ՌԴ Պետդումայի ԱՊՀ հարցերի, եվրասիական ինտեգրման եւ հայրենակիցների հետ կապերի հանձնաժողովի նախագահի առաջին տեղակալ Կոնստանտին Զատուլինը «ՆՍՆ»-ի հետ զրույցում հայտարարել է, որ չի բացառում դեսանտային գործողությունը որպես ԼՂ-ում իրավիճակին Ռուսաստանի արձագանքի մի տարբերակ:

«Զատուլինը լիազորված չէր վերոնշյալ մեկնաբանությունն անելու համար, դա որեւէ առնչություն չունի ՌԴ Պետդումայի եւ պաշտպանության հարցով հանձնաժողովի պաշտոնական դիրքորոշմանը: ԼՂ հակամարտության գոտում ռուսական զինված ուժերի կիրառում այժմ չի ծրագրվում: Նշված դիրքորոշումը համաձայնեցված է ՌԴ պաշտպանության նախարարության հետ»,-ասել է Կրասովը:

Նա պարզաբանել է, որ Պետդումայի պաշտոնական դիրքորոշումը կարող է հայտնել միայն Պետդումայի նախագահը կամ նրա հանձնարարմամբ նրա տեղակալները կամ էլ պրոֆիլային հանձնաժողովը:

Կրասովը նաեւ հիշեցրել է, որ ՌԴ նախագահ Վլադիմիր Պուտինը, ՌԴ ԱԳՆ ղեկավար Սերգեյ Լավրովը եւ ՌԴ ՊՆ ղեկավար Սերգեյ Շոյգուն ձեռնարկում են անհրաժեշտ բոլոր միջոցները տվյալ հակամարտությունը կարգավորելու, ռազմական գործողությունները դադարեցնելու եւ իրավիճակը խաղաղ բանակցային գործընթացին վերադարձնելու ուղղությամբ:

«Բոլոր այս միջոցները բավարար են դրական արդյունքի հասնելու համար»,- ընդգծել է խորհրդարանականը: «Ներկայում Ռուսաստանի ղեկավարության կողմից համապարփակ միջոցներ են ձեռնարկվում Լեռնային Ղարաբաղի հակամարտության գոտում իրավիճակը կարգավորելու համար: Ռուսաստանի արտգործնախարար Սերգեյ Լավրովը բանակցություններ է վարել Ադրբեջանի եւ Հայաստանի գործընկերների հետ, որտեղ քննարկվել է Լեռնային Ղարաբաղի հակամարտության սրումը: Մասնավորապես, քննարկվել են հրատապ հարցեր՝ կապված Լեռնային Ղարաբաղի հակամարտության գոտում հրադադարի ռեժիմի վերաբերյալ նախկինում ձեռք բերված պայմանավորվածությունների իրականացման եւ դրա կայուն կարգավորման պայմանների ստեղծման հետ: Այս կապակցությամբ դեսանտ իջեցնելու տեսքով Ռուսաստանի արձագանքման հնարավոր տարբերակի մասին պատգամավոր Կոնստանտին Զատուլինի մեկնաբանությունը չի համապատասխանում գործերի իրական վիճակին»,- ասել է Կրասովը: 

!
Այս նյութը հասանելի է նաև   Русский
Տպել
Կարդացեք նաև
Ամբողջը
Հայաստանի քաղհասարակության համատեղ զեկույցը ՄԱԿ-ի Խոշտանգումների դեմ կոմիտեին Ադրբեջանի 5-րդ դիտարկմանն ընդառաջ
Ժողովրդավարության զարգացման հիմնադրամը, «Իրավունքների պաշտպանություն առանց սահմանների» ՀԿ-ն, Թրանսփարենսի Ինթերնեշնլ հակակոռուպցիոն...
Անհայտ կորած եւ գերեվարված 11 զինծառայողների ընտանիքները եւս 2 ամիս կստանան 300-հազարական դրամ աջակցությունը
Կառավարությունն իր այսօրվա՝ մարտի 28-ի նիստում որոշում կայացրեց, որով…
Լեմկինի ինստիտուտը մտահոգություն է հայտնել, որ Ադրբեջանի վարչախումբը կարող է հաշվեհարդար տեսնել հայ գերիների հետ
Հաշվի առնելով այդ անձանց նկատմամբ մարդու իրավունքների լրջագույն խախտումների բարձր ռիսկայնությունը…
ՄԱԿ-ի հարկադիր և ակամա անհետացածների հարցերով աշխատանքային խմբին են ներկայացվել ութ հայ զինվորականների գործեր
Բոլոր գործերը ներկայացվել են տուժողների ընտանիքների հետ համագործակցաբար։ ՄԱԿ-ի մարդու իրավունքների խորհրդի կողմից ստեղծված հիշյալ աշխատանքային...
Ադրբեջանցիների կողմից հայերի գլխատումը նրանց ընտանիքի անդամներին հոգեկան տառապանք պատճառելու համատարած մեթոդ է. Զեկույց
Բացի այդ՝ զեկույցում անդրադարձ կա Ադրբեջանում բարձրաստիճան պաշտոնյաների կողմից հանցագործներին ուղղված գովասանքին...
Առանց Ռուսաստանի օգնության Ադրբեջանը չէր կարողանա վերադարձնել Ղարաբաղը. ադրբեջանցի քաղաքագետ
Նա մեկնաբանել է Ռուսաստանի դերը 44-օրյա պատերազմի ժամանակ...
Ամենաշատ