News
Լրահոս
News
Հինգշաբթի
Նոյեմբեր 26
USD
511.69
EUR
609.06
RUB
6.78
ME-USD
0.01
Տեսնել լրահոսը

Ռազմաճակատում զոհվել է ԱԺ «Իմ քայլը» խմբակցության պատգամավոր Վաղարշակ Հակոբյանի եղբայրը: Այս մասին պատգամավորը գրել է Facebook-ի իր էջում: Նա, մասնավորապես, նշել է.

«Հարգելի՛ Հայաստանի Հանրապետության, Արցախի Հանրապետության մեր հայրենակիցներ,

Պահը պատմական է.

Կերտվում է ապագան։

Այստեղ՝ Արցախում պատմությունն ավելի քան մոտ է, ավելի քան զգալի։

Այստեղ կամքդ ու ոգիդ առավել քան ամուր են, առավել քան մարտական։

Հայ մարդու ինքնագիտակցության մեջ կյանքը դաջվել է, որպես բարձրագույն արժեք։

Յուրաքանչյուր հայորդի, ով անմահացել է, պաշտպանելով իր Հայրենիքը՝ մեր պատիվը,մերն է, իմը, քոնը։

Անձնական կորուստը բոլորիս ցավն է։

Արցախյան ռազմաճակատում անմահացավ նաև ՀՀ ՊՆ Հատուկ ջոկատային, Ապրիլյան և հուլիսյան պատերազմների ակտիվ մասնակից, Սիրիայում խաղաղապահ առաքելություն իրականացրած, ՀՀ և Ռուսաստանի Դաշնության գերատեսչական, մարտական մեդալներով պարգևատրված Թաթուլ Հակոբյանը՝ եղբայրս։

Իմ եղբայր, Թաթուլ.

Հպարտ եմ քեզնով, հպարտ եմ լինել քո եղբայրը.

ամուր ենք պահում ու պահելու մեր հայրենի հողը՝ հետ մղելով թշնամուն մարտի դաշտից՝ հանուն ու ի պատիվ հավերժ հիշատակի քո ու մեր բոլոր հերոսների։ Ճիշտ ինչպես դուք արեցիք դա առանց վարանելու՝ ձեր կյանքի գնով։

Բառերն անզոր են փոխանցել այն, ինչ զգում եմ։

Ինչ էլ ասեմ, քիչ է, այն չէ։

Եղբայրս, Թաթուլ,

Դու զոհեցիր կյանքդ՝ հանուն կյանքի։

Թաթուլի ու իր նման տղերքի շնորհիվ է կերտվում հաղթանակը:

Նրա մտքում էր հաղթանակը, նրա մտքում էր խաղաղությունը։

Փա՛ռք քեզ, իմ Հերոս եղբայր։

Քո ոգին ապրելու ու տեսնելու է հաղթանակը։

Չկասկածե՛ք, լավ է լինելու։

Չկասկածե՛ք, հաղթելու ենք։

Կառուցելու ենք, շենացնելու ենք։

Փա՛ռք հայոց բանակին,

փա՛ռք մեր անվախ զինվորին, հավերժ փառք իրենց կյանքի գնով նվիրական պարտքը կատարած մեր հերոսներին»:

!
Այս նյութը հասանելի է նաև   English
Տպել
Կարդացեք նաև
Ամբողջը
Վերջին լուրերը. տեսանորությունների թողարկում՝ անգլերեն. 25.11.2020
Ինչո՞ւ զոհերի ցուցակները չեն հրապարակվում․ պարզաբանում են ՊՆ-ից
Պետք է բոլոր մանրամասները ճշտել, նոր հրապարակել․․․
Գերմանիան 2 միլիոն եվրո է հատկացրել ԿԽՄԿ-ին՝ Լեռնային Ղարաբաղում նրա գործունեության համար
Ես ողջունում եմ այն փաստը, որ վեց շաբաթ տեւած կատաղի մարտերից հետո նոյեմբերի 9-ին Հայաստանի եւ Ադրբեջանի միջեւ ձեռք բերվեց զինադադարի պայմանագիր․․․
Վարչապետը ներկայացրել է գերեվարված անձանց հետվարադարձի ուղղությամբ տարվող աշխատանքները
Վարչապետը կրկին տեղեկատվություն է ներկայացրել գերիների փոխանակման, անհետ կորած անձանց հայտնաբերման ուղղությամբ Արցախի Հանրապետության մասնակցությամբ, Ռուսաստանի…
Հիմա հնարավոր է պահել Շուշին, հետ ստանալ Հադրութը. Բագրատյան
Եվ ես կուզենայի Ադրբեջանի հետ քննարկել այսպիսի հարց՝ Լաչինի միջանցքը փոխարինենք Քելբաջարի միջանցքով...
Ռուսաստանում արդեն պատերազմի 10-15-րդ օրը եղել է մի բանաձեւ՝ կեսը մեզ, կեսը՝ Ադրբեջանին. Բագրտյան
Նիկոլ Փաշինյանը մտածել է՝ եթե սենց հանձնեմ, կասեն՝ դավաճան է, ավելի լավ է, թող գան վեկալեն...