News
Լրահոս
News
Շաբաթ
Հունիս 12
Տեսնել լրահոսը

Վարչապետի պաշտոնակատար Նիկոլ Փաշինյանը հեռախոսազրույց է ունեցել Ռուսաստանի Դաշնության նախագահ Վլադիմիր Պուտինի հետ:

Վարչապետի աշխատակազմից NEWS.am-ին հայտնում են, որ Նիկոլ Փաշինյանը ՌԴ նախագահին տեղեկացրել է Ադրբեջանի զինված ուժերի կողմից Հայաստանի սուվերեն տարածք՝ Սյունիքի մարզ ներխուժման հետևանքով ստեղծված իրավիճակի մասին:

ՀՀ վարչապետի պաշտոնակատարը նախագահ Պուտինին տեղեկացրել է նաև, որ ինքն այսօր հանձնարարել է պաշտոնապես դիմել Հավաքական անվտանգության պայմանագրի կազմակերպությանը՝ Հավաքական անվտանգության պայմանագրի ընթացակարգերի 2-րդ հոդվածին համապատասխան խորհրդակցություններ սկսելու համար:

Վլադիմիր Պուտինն անթույլատրելի է համարել հետագա էսկալացիան և հույս հայտնել իրավիճակի արագ կայունացման ու 2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարություններով ձեռք բերված պայմանավորվածությունների իրականացման համար անհրաժեշտ պայմանների ստեղծման վերաբերյալ: Ռուսական կողմը վերահաստատել է ակտիվ միջնորդական ջանքերը շարունակելու իր տրամադրվածությունը` տարածաշրջանում կայունություն ապահովելու նպատակով:

Զրուցակիցները համակարծիք են եղել, որ այս իրավիճակի լուծումը պետք է արտահայտվի ադրբեջանական զորքերի՝ ելման դիրքեր հետ վերադարձով:

Կրեմլի մամուլի ծառայության փոխանցմամբ՝ «ռուսական կողմը վերահաստատել է տարածաշրջանում կայունության ապահովման շահերից Երեւանի եւ Բաքվի հետ ակտիվ միջնորդական ջանքերը շարունակելու եւ սերտ կապեր պահպանելու տրամադրվածությունը»:

«Նիկոլ Փաշինյանը, շնորհակալություն հայտնելով Ռուսաստանի նախագահին, հանդես եկել կառուցողական երկխոսության եւ փոխգործակցության օգտին, որպեսզի բոլոր առաջացող խնդիրները լուծվեն բացառապես խաղաղ, քաղաքական եւ դիվանագիտական միջոցներով: Անդրադարձ է կատարվել նաեւ Հարավային Կովկասում տնտեսական, տրանսպորտային եւ նյութատեխնիկական կապերի վերականգնման խնդիրներին»,- ասվում է հաղորդագրության մեջ:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Երբ դասալիքները մեղադրում են Սամվել Բաբայանին դավաճանության մեջ, հարց է ծագում` որտեղ էին բախտորոշ ժամին. Գագիկ Բաղունց
Զարմանում եմ, երբ պատերազմը երևանյան իրենց բնակարաններում անցկացրած ընդդիմադիր գործընկերները ինձ` «Միասնական հայրենիք» կուսակցության...
Փաշինյանը հայտարարեց Ադրբեջանից Հայաստան վերադարձող ռազմագերիների անունները
Գեղարքունիքի մարզում «Քաղաքացիական պայմանագիր» կուսակցության…
Նիկոլ Փաշինյանը լուսանկար է հրապարակել վերադարձող գերիներից (ֆոտո)
Մեր 15 եղբայրները վերադառնում են…
Բաքուն հայտնում է, որ 15 հայ գերի են տվել Աղդամի ականապատ տարածքների քարտեզի դիմաց
Հայ գերիների վերադարձի գործընթացը տեղի է ունեցել վրաց պաշտոնյաների մասնակցությամբ…
Քննարկվել են պատերազմի հետևանքով քաղպաշպանության ոլորտում առաջացած խնդիրները
Քննարկվել են 2020 թվականի պատերազմի հետևանքով քաղպաշպանության ոլորտում առաջացած խնդիրներն ու դրանց լուծման ուղղությամբ ընթացիկ ու նախատեսվող աշխատանքները...
Հադրութի շրջանում այսօր իրականցված որոնումների արդյունքում հայտնաբերվել է ևս 8 աճյուն
Նրանց ինքնությունը կհաստատվի դատաբժշկական փորձաքննությունից հետո...
Ամենաշատ
Ֆոտոռեպորտաժներ