News
Լրահոս
News
Շաբաթ
Հունիս 12
Տեսնել լրահոսը

Գազայի հատվածում Իսրայելի հրթիռային հարձակումներից առնվազն 132 շենքեր են ավերվել, վնասվել են տասնյակ դպրոցներ ու հիվանդանոցներ: Այս մասին ասվում է ՄԱԿ-ի հումանիտար հարցերի համակարգման գրասենյակի հրապարակված զեկույցում, հայտնում է ՏԱՍՍ-ը:

Այսպես, ըստ զեկույցի, որը հիմնված է հասարակական աշխատանքների նախարարության եւ առափնյա անկլավի բնակարանաշինության տվյալների վրա, «132 շենքեր, որոնք ներառում էին 621 միավոր կիացարան եւ կոմերցիոն օբյեկտներ, ամբողջովին ավերվել են, 316 տուն լրջորեն վնասվել է եւ պիտանի չէ բնակության համար»: Եւս 6500 բնակելի միավորներ միջին կամ աննշան վնասվածքներ են ստացել:

Բացի այդ, ռմբակոծություններից վնասվել են վեց հիվանդանոցներ եւ ինը բժշկական հաստատություններ: Գազայի հատվածի առողջապահության նախարարությունը նախօրեին հայտարարել էր, որ դադարեցվում է կորոնավիրուսի թեստավորումը բնակչության շրջանում՝ Իսրայելի կողմից հրթիռակոծման հետեւանքով անկլավում գտնվող միակ լաբորատորիայի աշխատանքի դադարեցման պատճառով: «Առողջապահության նախարարության օբյեկտների եւ Էր Ռիմալ կլինիկայի վրա հրթիռային հարձակումները հանգեցրել են կորոնավիրուսի հայտնաբերման միակ լաբորատորիայի աշխատանքների ամբողջական դադարեցմանը»,- ասվում է գերատեսչության հայտարարության մեջ:

Համաձայն ՄԱԿ-ի գրասենյակի կողմից վկայակոչված լուսավորության եւ բարձրագույն կրթության նախարարության տվյալների՝ հրթիռակոծություններից վնասվել են 47 ուսումնական հաստատություններ, այդ թվում՝ 42 դպրոց, երկու մանկապարտեզ, Պաղեստինցի փախստականների օգնության ՄԱԿ Մերձավորարեւելյան գործակալության վարժանքների կենտրոնը։ Կրթության նախարարության որոշմամբ չեն աշխատում նաեւ Արեւմտյան ափի եւ Արեւելյան Երուսաղեմի դպրոցները, ինչի պատճառով 600 000 աշակերտներ, որոնց կեսից ավելին՝ աղջիկներ, «դուրս են մնացել ուսումնական գործընթացից»:

Ըստ իսրայելական բանակի, մայիսի 10-ից պաղեստինցի արմատականները Իսրայելի ուղղությամբ արձակել են 3350 հրթիռներ, որոնց 90%-ը կասեցրել է «Երկաթե գմբեթ» ՀՕՊ համակարգը: Միեւնույն ժամանակ, անկլավում խոցվել է ավելի քան 1500 թիրախ, եւ շատ հրթիռներ ընկել են բնակելի շենքերի վրա: Կիրակի գիշերը Գազայի Ալ-Վահդա թաղամասի գնդակոծությունները ամբողջությամբ ոչնչացրել են բազմաթիվ տներ, որոնցում քնած բնակիչներ են եղել: Փլատակների տակից դուրս են բերվել 42 մարդկանց, այդ թվում՝ շատ փոքր երեխաների մարմիններ: Գազայի հատվածում հրետակոծության զոհերի ընդհանուր թիվն արդեն գերազանցել է 200-ը:

!
Այս նյութը հասանելի է նաև   English and Русский
Տպել
Կարդացեք նաև
Ամբողջը
Լիբանանյան ճգնաժամը աշխարհում վատագույններից մեկն է 1850-ականներից ի վեր
Տնտեսական եւ ֆինանսական ճգնաժամը, ամենայն հավանականությամբ, կհայտնվի աշխարհում տասնիններորդ դարի կեսերից ի վեր ամենալուրջ ճգնաժամերի տասնյակում, հնարավոր է՝ եռյակում․․․
ՄԱԿ. Իսրայելական ուժերը կարող էին ռազմական հանցագործություններ կատարել ՀԱՄԱՍ-ի դեմ 11-օրյա պատերազմի ընթացքում
Նրա խոսքով՝ հակամարտության ընթացքում ՀԱՄԱՍ-ի դեմ անխտիր հրթիռային հարձակումները նույնպես պատերազմի կանոնների ակնհայտ խախտում են․․․
Ասադը տիկնոջ հետ Դամասկոսի մոտ գտնվող Դումա քաղաքում քվեարկել է Սիրիայի նախագահի ընտրություններում
Սիրիայի նախագահը մասնակցել է երկրի նախագահի ընտրության քվեարկությանը...
Սիրիայում մեկնարկել են նախագահական ընտրությունները
Լրագրողներն ամբողջ աշխարհից եւ տարբեր երկրներից հրավիրված դիտորդները կկարողանան հետեւել ընտրություններին ամբողջ օրվա ընթացքում...
Բլինքենն ԱՄՆ պետքարտուղարի պաշտոնում առաջին այցով ժամանել է Իսրայել
Բլինքենի` Իսրայելից սկսվող այցի շրջանակներում պանակցություններ են նախատեսված Պաղեստինի նախագահ Մահմուդ Աբասի, Եգիպտոսի նախագահ Աբդել Ֆաթթահ էլ-Սիսիի, Հորդանանի թագավոր Աբդուլահ Երկրորդի հետ...
Բլինքենը մերձավորարեւելյան շրջագայության է մեկնում՝ Իսրայելի եւ ՀԱՄԱՍ-ի միջեւ հրադադարի ռեժիմը ամրապնդելու համար
Պետքարտուղար Բլինքենը կհանդիպի իսրայելցի ղեկավարների հետ՝ Իսրայելի անվտանգության նկատմամբ մեր վճռական հավատարմությունը քննարկելու համար․․․
Ամենաշատ