2021 թվականի ապրիլին Հայաստան զբոսաշրջային այցերի թիվը կազմել է 41 881, իսկ մայիսին՝ 52 908: Այս մասին NEWS.am-ի հարցմանն ի պատասխան՝ տեղեկացրել է էկոնոմիկայի նախարարությունը:
2021 թվականի հունվար-մարտ ամիսներին այս ցուցանիշը կազմել է 86 524:
Ստացվում է, որ 2021 թվականի 5 ամսվա ընթացքում Հայաստան է այցելել 181 313 զբոսաշրջիկ, իսկ դա կազմում է 2020 թվականի ընդհանուր ցուցանիշի 51,6%-ը:
Անցյալ տարի (հունվար-մարտ, ինչպես նաեւ սեպտեմբեր եւ հոկտեմբեր-դեկտեմբեր ամիսների տվյալները) Հայաստան զբոսաշրջիկների այցերի թիվը կազմել է 375 216:
Հիշեցնենք, որ անցյալ տարի աշխարհում, այդ թվում նաեւ Հայաստանում, կորոնավիրուսային համավարակի հետ կապված, բազմաթիվ սահմանափակումներ են մտցվել, որոնք լուրջ վնաս են հասցրել տուրիզմի ոլորտին:
