Ինքնակառավարվող բեռնատարներ արտադրող TuSimple-ը եւ լոգիստիկ հսկա Ryder System-ը կմիավորվեն, որպեսզի ստեղծեն ինքնավար ավտոմեքենաների առաջին բեռնափոխադրման ցանցը՝ փորձելով աստիճանաբար դուրս մղել վարորդների կողմից կառավարվող ավանդական բեռնատարները, հաղորդում է TechCrunch-ը:
Այսօրվա դրությամբ TuSimple-ի ինքնակառավարվող բեռնատարների մեծ մասը գործում է ԱՄՆ-ի հարավ-արեւմուտքում՝ ընկերությունը ապրանքներ է տեղափոխում Արիզոնայի նահանգում Թուսոն քաղաքի եւ Տեխասի փոքր քաղաքների միջեւ: TuSimple-ի ավտոպարկը բաղկացած է 50 բեռնատարից եւ աստիճանաբար աճում է:
«Բեռնափոխադրումների ոլորտը հսկայական խափանումների եզրին է, եւ մենք բեռնափոխադրողների, փոխադրողների եւ ավտոպարկերի կողմից հուսալի ինքնավար հզորությունների հասանելիության մեծ պահանջարկ ենք դիտարկում: Ryder-ի հետ այս համագործակցությունը մեզ թույլ կտա ընդլայնել մեր արտադրական տարածքը, որպեսզի շարունակենք բավարարել այս կարիքները եւ արագություն հաղորդենք ոլորտում ավոպիլոտի ներդրման համար»,- TechCunch-ին հայտարարել է TuSimple-ի գլխավոր տնօրեն Չենգ Լուն:
TuSimple-ը նախատեսում է մինչեւ տարեվերջ սկսել լիովին ինքնավար ռեժիմով՝ առանց ապահովագրող վարորդի, բեռնատար մեքենաների փորձարկումը: