Դաշնակցական երիտասարդները փակել են Կոմիտաս-Վաղարշյան խաչմերուկը: Նրանք նստել էին փողոցում եւ վակարկում էին. «Առանց Նիկոլ Հայաստան», «Նիկոլ դավաճան», «Առանց թուրքի Հայաստան»։

«Կոչ ենք անում վարորդներին հանգցնեն մեքենաները եւ միանան մեր պայքարին, որովհետեւ մեր պայքարը հանուն Հայաստանի եւ Արցախի է: Արցախը երբեք չի լինելու Ադրբեջանի կազմում, մենք չենք թողնելու, որ Արցախը նվեր տան Ադրբեջանին, որ Հայաստանը դարձնեն Թուրքիայի վիլայեթ: Այդ պատճառով պետք է միանալ մեր պայքարին, որ ճանաչհ դնենք այս դավաճան իշխանությանը»,-ասաց ակցիայի մասնակիցներից մեկը:

Անցորդներից մի կին մոտեցավ ու դւիմելով ակցիայի մասնակիցներին՝ ասաց. «Գնացեք Ղարաբաղում Ղարաբաղը պաշտպանեք, Կոմիտասի վրա եկել Ղարաբա՞ղ ես ուզում»: Ոստիկանը հեռացրեց նրան:

Այստեղ էր նաեւ նախկին փոխոստիկանապետ Լեւոն Երանոսյանը, ով նշեց, որ ամեն ինչ ճիշտ են անում, օրինական է. «Ես միացած եմ պայքարին ռաջին օրվանից մինչեւ հիմա»:

Ավելի ուշ եկան ոստիկանները եւ բացեցին ճանապարհը:

Հիշեցնենք, որ այսօր՝ ապրիլի 26-ին, երեկոյան ժամը 19.30-ին, Կայարանից՝ Սասունցի Դավթի արձանի մոտից, կմեկնարկի «Դիմադրության շարժման» իրազեկման ակցիան։