News
Լրահոս
News
Երկուշաբթի
Օգոստոս 15
USD
406.19
EUR
414.31
RUB
6.6
Տեսնել լրահոսը

Դիմադրության շարժման մոտ 4 տասնյակ մասնակիցներ վերջին օրերին ՊՆ եռամսյա զորահավաքներին մասնակցելու ծանուցագրեր են ստացել։

Այս առնչությամբ ԱԺ «Հայաստան» խմբակցության պատգամավոր Գեղամ Մանուկյանը NEWS.am-ի հետ զրույցում նշեց, որ առավոտյան իրենց տուն էլ են զանգել զինկոմիսարիատից. «Առավոտյան զինկոմիսարիատից զանգեցին, ցանկացան խոսել Տարոն Մանուկյանի հետ, ես ասացի՝ ցավդ տանեմ, Տարոն Մանուկյանը 2 ամիս է՝ բանտում է: Ասացի՝ հիմա էլ մենակ ընդդիմադիր գործիչներին եք կանչո՞ւմ: Դրանից 2 ժամ անց էլի զանգեցին, ներկայացավ փոխգնդապետ, ասաց՝ Տարոն Մանուկյանի հետ կապված ուզում է հանդիպել: Եկավ, ծանուցագիր էր բերել: Ասացի՝ երկու ժամ առաջ ձեզ ասել եմ, որ բանտում նստած է: Ասաց՝ լավ, գրեք, որ ծանոթացաք: Ես էլ գրեցի, որ դավաճան Նիկոլի դեմ պայքարի համար հիմա Տարոն Մանուկյանը բանտում է, եթե բանտում չլիներ, մեծ սիրով կգնար այս զորահավաքին, բայց հիմա արձանագրում եմ, որ ՊՆ-ն եւ զինված ուժերը, ցավոք սրտի, ծառայեցնում են քաղաքական իշխանությանը»,-ասաց պատգամավորը:

Նա ընդգծեց, որ արդեն «Դիմադրության» շարժումից մոտ 40 հոգու տվյալ կա, որ ծանուցագրեր են ուղարկել. «Բոլոր ակտիվիստներին ուղարկում են ծանուցագրեր: Այս իշխանության գործողություններում վաղուց արդեն պետք է է հրաժարվել տրամաբանություն գտնելուց: Որպես պաշտպանության հանձնաժողովի անդամ ինձ համար ուղղակի խայտառակություն է, երբ եռամսյա գհավաքները փորձում են ծառայեցնել քաղաքական բռնաճնշումներին: Ուղղակի խոսքեր չկան, որ արտահայտենք այն խայտառակությունը, որ ունենք:  Պաշտպանության նախարար Սուրեն Պապիկյանի գլխավորությամբ Զինված ուժերում ՀՀ քաղաքացու պատվավոր ծառայությունը փորձում են դարձնել մահակ քաղաքական ընդդիմադիրներին մեկուսացնելու համար»,-ընդգծեց Գեղամ Մանուկյանը:

Հիշեցմանը, որ դեռ շաբաթներ առաջ ԱԺ պաշտպանության հանձնաժողովի նախագահ Անդրանիկ Քոչարյանն էր հայտարարել, որ ընդդիմության ներկայացուցիչներին պետք է տանել եռամսյա հավաքների, Մանուկյանն արձգանքեց. «Փաստորեն Հայաստանի զինված ուժերը եւ ՊՆ-ն ղեկավարում է Անդրանիկ Քոչարյանը: Դուրս եկավ, որ գործնականացրեցին նրա ասածը:

Ինչպես քաղաքական նպտակահարմարությամբ բանակն են գլխատել, 4 տարի շարունակ Արցախի հերոսների դեմ արշավ են իրականացրել, արժեզրկել են արցախյան ազատամարտը, ուղղակի խուսափել են նշել Հայոց զինված ուժերի կազմավորման 30-ամյակը, շարունակում են նույն կերպ ծաղրել զինված ուժերը, կամավորությունը աշխարհազորը, զորակոչը եւ այլն»:

Ավելի վաղ «Հրապարակ»-ը գրել էր, որ «Դիմադրության» շարժման մոտ 4 տասնյակ մասնակիցներ վերջին օրերին ՊՆ եռամսյա զորահավաքներին մասնակցելու ծանուցագրեր են ստացել։ «Իրավապահ կառույցներում բանուգործը թողած՝ ընդդիմության հավաքների տեսանյութերն են ուսումնասիրում, պարզում ակցիաների մասնակիցների ինքնությունը եւ ծանուցագրեր ուղարկում։ Աբսուրդն այն է, որ ծանուցվել է անգամ բերդում գտնվող մի քանի ակտիվիստ։ Ինչպես ամեն ինչում, ռեպրեսիաներ իրականացնելիս էլ է իշխանությունն ապաշնորհ ու փնթի։ Երեկ ընդդիմադիր պատգամավոր Թադեւոս Ավետիսյանը մեզ ասաց, որ թեեւ անուններ չի կարող նշել, բայց տեղյակ է, որ ակտիվիստները ծանուցագրեր են ստացել»,-գրել էր թերթը:

Տպել
Կարդացեք նաև
Ամբողջը
Ես գիտեմ, որ ես մենակ չեմ, լավ թասիբով տղերք կան, ովքեր իմ կողքին են. Տիգրան Արզաքանցյան
Մեր երկիրը վտանգի առաջ է կանգնած, ես սիրում եմ իմ երկիրը, իմ հողն ու ջուրը և դրա համար էլ ես պարտավոր եմ պաշտպանել մեր երկիրը թուրքերի...
Ավետիք Չալաբյանը կալանավայրից դիմել է քաղաքացիներին եւ պայքարի կոչ արել
Քաղաքական գործիչը կալանավայրից նամակ է ուղարկել, որը օգոստոսի 12-ին ընթերցել է նրա կինը...
Համընդհանուր ապատիան Հայաստանում խորացել է ընդդիմության բողոքների անհաջող ալիքից հետո. փորձագետ
Հասարակությունն ընդհանուր ապատիայի մեջ է...
Նման մեթոդներով ընդդիմությունը չի հասնի իշխանափոխության․ Արմինե Ադիբեկյան
Եթե ընդդիմությանը թվում է, թե սեպտեմբերի 2-ին ժողովուրդը հավաքվելու է «Մահ Նիկոլին» կարգախոսով եւ իրավիճակը փոխվելու է, ապա սխալվում է․․․
Ինչպե՞ս ազատվել կապիտուլյանտների իշխանությունից կամ 5 բան, որ չեն անում ազգային ուժերը․ Վարուժան Գեղամյան
Հայ հասարակ մարդու հետ գրեթե ոչ մի աշխատանք չի տարվում․․․
«Իշխանությունն ինձ չի ներել ավանակով ակցիայի համար»․ Սեւադա Ղուկասյանը պնդում է՝ իր նկատմամբ ճնշումները շարունակվում են
Ես չեմ հանձնվել, չեմ թուլացել, իմ մարտը չի ավարտել․․․
Ամենաշատ
Ֆոտոռեպորտաժներ