Բավական երկար ժամանակ Հայաստանի քաղաքական եւ փորձագիտական հանրության շրջանում շրջանառվում էր թեզ, ըստ որի, եթե Երեւանը բարեկամական եւ բարիդրացիական հարաբերություններ հաստատի Անկարայի հետ, ապա Թուրքիան կզսպի Ադրբեջանի աճող նկրտումները։ Այս մասին NEWS.am -ի թղթակցի հետ զրույցում ասաց քաղաքագետ Բենիամին Մաթեւոսյանը։
Ավելին, Հայաստանի իշխանամետ տեսակետներին հավատարիմ փորձագիտական հանրությունը, ինչպես նաեւ մի շարք լրատվամիջոցներ վերջին 2-3 ամիսների ընթացքում ամեն կերպ առաջ են մղում հենց այս օրակարգը։
«Այս թեզը բառ առ բառ առաջ է քաշվել իրենց կողմից։ Իբր, Թուրքիան թույլ չի տվել Ադրբեջանին՝ պատերազմ սկսել Հայաստանի դեմ»,- ասաց Մաթեւոսյանը՝ հիշեցնելով, որ այս թեզը, ըստ էության, ձախողվել է։
Ըստ նրա՝ ձախողման ու վարկաբեկման է ենթարկվել նաեւ գործող իշխանության ողջ քաղաքականությունը:
