նախընտրելի դարձնել
Օգոստոսի 8-ին Բաղրամյան և Օրբելի փողոցների խաչմերուկում մեկնարկեց Հայաստանում նախադեպ չունեցող շինարարական նախագիծ։ 30 ժամ անդադար աշխատանքի ընթացքում 200 մեքենա 2400 խորանարդ մետր բետոնալցում է իրականացրել՝ դնելով Skyline նախագծի առաջին երկնաքերի հիմքը։ Հայաստանում առաջին անգամ է նման ծավալով միաժամանակյա բետոնալցման աշխատանքներ իրականացվում։ Այս լայնածավալ պրոյեկտն իրակականություն է դարձել Renshin ֆինանսական և ներդրումային ընկերության ջանքերով և 80-ամյա փորձ ունեցող Arup Group-ի նախագծով և նրանց առաջատար մասնագետների անմիջական վերահսկողությամբ:
Երևանի ամենաբանուկ փողոցների խաչմերուկում տեղակայված համալիրը տեսանելի կլինի մայրաքաղաքի ցանկացած կետից և կդառնա ոչ միայն ճարտարապետական իրադարձություն, այլև զարգացման նոր փուլի խորհրդանիշ։
Skyline-ում Հայաստանի առաջին երկնաքերերն են՝ 35-հարկանի շենքեր նախագծված ժամանակակից քաղաքաբնակի կենսակերպի բոլոր մանրուքներին համապատասխան։ Ճարտարապետական նախագիծն իրականացրել է նյույորքյան Laguarda.Low ընկերությունը, որը հայտնի է իր «քաղաքը քաղաքի մեջ» ոճով նախագծերով, իսկ ինժեներական լուծումները մշակվել են Arup Group-ի կողմից. ընկերություն, որը կոնստրուկցիաներ է մշակել Դուբայում, Լոնդոնում և Սինգապուրում կառուցված բարձրահարկերի համար։ Շինաշխատանքների ավարտը նախատեսված է 2028 թվականին, իսկ կառուցապատող «Ռենշին» ֆինանսական և ներդրումային ընկերությունն արդեն ակտիվորեն կյանքի է կոչում նախագիծը։
Քաղաք քաղաքի մեջ. Ի՞նչ է Skyline-ը
Skyline-ում ոչ միայն տներ են, այլ քաղաքային կյանքի փիլիսոփայություն, որտեղ հարմարավետությունն ու նորարարությունները ձեռք ձեռքի են քայլում։ Նախագիծն իրենից ներկայացնում է 35 հազար քառակուսի մետրի վրա տեղակայված ամբողջական էկոհամակարգ. հինգ երկնաքերերի տարածքում կգործեն նաև բիզնես կենտրոններ, կինոթատրոն, սպորտային համալիրներ, խանութներ, ռեստորաններ, սրճարաններ և անգամ առաջնային բժշկական օգնության կենտրոն։ 20.000 քմ կանաչ գոտին ներառելու է այգիներ, ծառուղիներ, մանկական խաղահրապարակներ և միջազգային դպրոց։ Բոլորի համար բաց թաղամասը ոչ միայն բնակիչների, այլև քաղաքի հյուրերի համար ձգողության յուրօրինակ կետ կդառնա։
«Քաղաք քաղաքի մեջ» կոնցեպցիան պատասխան է ժամանակակից մեգապոլիսների առաջացրած մարտահրավերներին։ Քաղաքի մի ծայրից մյուսը ճանապարհ գնալու վրա ժամանակ ծախսելու փոխարեն բնակիչներին անհրաժեշտ ամեն բան՝ պրոգրեսիվ դասի համար, որոնց համար Skyline-ը ապրելու և աշխատանքի կատարյալ վայր կդառնա։
