Նեպալում աղետալի ջրհեղեղի հետևանքով զոհվածների թիվը հասել է 468-ի։ Այդ մասին օգոստոսի 28-ին երկրի ոստիկանությունը հայտնել է Facebook սոցիալական ցանցում։

Տարերքի հետևանքների վերացման աշխատանքներին ներգրավված են ավելի քան 4,3 հազար ոստիկաններ։ Վիրավորվել և փրկվել է ավելի քան 1,5 հազար մարդ։ Տուժածների թիվը, որոնք շարունակում են բուժումը կամ դուրս են գրվել Կատմանդուի հովտի հիվանդանոցներից, հասել է 84-ի։

Փրկարարների տվյալներով՝ անհետ կորած են համարվում իրավապահ մարմինների 28 աշխատակիցներ, որոնք մասնակցել են տարերքի հետևանքների վերացման աշխատանքներին։

Նեպալում հզոր ջրհեղեղը տեղի է ունեցել օգոստոսի 26-ին։ Աղետը գրեթե ամբողջությամբ ավերել է հանրահայտ զբոսաշրջային Ռասուվա շրջանը։ Երկրի զբոսաշրջության վարչությունը հայտնել է, որ անհետ կորած են համարվում 644 զբոսաշրջիկներ, այդ թվում՝ Ռուսաստանի ութ քաղաքացի։ ՌԴ դեսպանատունը հաստատել է անհետ կորածների մասին տեղեկությունը։