ԿԺԴՀ-ում տեղի է ունեցել երկրի ռազմածովային ուժերին նոր «Կան Գոն» ականակրի՝ «Չխվե Հյոն» դասի երկրորդ նավի, հանդիսավոր հանձնման արարողությունը։ Այդ մասին սեպտեմբերի 7-ին հայտնում է Կորեայի կենտրոնական գործակալությունը։

Միջոցառումը կայացել է սեպտեմբերի 6-ին Վոնսանի նավահանգստում՝ ԿԺԴՀ առաջնորդ Կիմ Չեն Ընի մասնակցությամբ։ Ինչպես նշվում է, ականակիրը համալրված է ինտեգրված մարտական համակարգով և ունակ է կատարել օպերատիվ առաջադրանքներ տարբեր ջրատարածքներում։ Դրա շահագործման հանձնումը դիտարկվում է որպես նավատորմի արդիականացման և պետության ծովային ինքնիշխանության ամրապնդման քաղաքականության մաս։

«Բացի ուժերի հավասարակշռության ապահովումից, — շարունակել է նա (Կիմ Չեն Ընը), — խաղաղության պաշտպանության համար այլընտրանքային երաշխիք պարզապես չի կարող լինել։ Մենք կտեղակայենք ամենահզոր ռազմավարական միջոցները ամենակարևոր ջրատարածքներում և կցուցաբերենք սկզբունքային ու պատասխանատու պատրաստակամություն՝ պաշտպանելու հանրապետության ծովային ինքնիշխանությունը, Հյուսիսարևելյան Ասիայի անվտանգության իրավիճակը և համաշխարհային խաղաղությունը», — ասվում է հաղորդագրությունում։

Արարողությանը ներկա են եղել կուսակցության և կառավարության ղեկավար կադրեր, զորահրամանատարներ, նավաշինական ոլորտի ներկայացուցիչներ և տեղի բնակիչներ։ Պետական դրոշի բարձրացումից հետո տեղի են ունեցել համերգ և նավը սպառազինության ընդունելու արարողություն։

Կիմ Չեն Ընը հանդես է եկել խոսքով, որում ընդգծել է, որ ականակիրը երկրի տնտեսական, պաշտպանական և գիտատեխնիկական հնարավորությունների խորհրդանիշն է, ինչպես նաև հայտնել է ծովում միջուկային և զսպող ուժերի ամրապնդումը շարունակելու մտադրություն։

Արարողությունից հետո ԿԺԴՀ առաջնորդը այցելել է նավ, հանդիպել անձնակազմի հետ և հիշատակին կապիտանին հանձնել հեռադիտակ։ Ականակրին տրվել է ծով դուրս գալու հրաման։ Միջոցառման ընթացքում գործել են նաև սպառազինության ցուցահանդես և ռազմածովային ուժերի պատմությանը նվիրված ֆոտոցուցահանդես։ Օրն ավարտվել է նավի շահագործման հանձնման պատվին ընդունելությամբ։