Հոկտեմբերի 24-ին Երեւանի «Հրազդան» մարզադաշտի հարակից տարածքում անցկացվեց ոստիկանության Երեւան քաղաքի կայազորի, ոստիկանության պետական պահպանության գլխավոր վարչության, ճանապարհային ոստիկանության առաջին սպայական գումարտակի շարային ու տեխնիկական ստուգատես:

Ոստիկանության լրատվության վարչությունից հայտնում են, թե միջոցառմանը ներկա էին ՀՀ ոստիկանության պետ, գեներալ-լեյտենանտ Վլադիմիր Գասպարյանը, ոստիկանության բարձրաստիճան պաշտոնյաներ եւ ստորաբաժանումների ղեկավարներ:

Միջոցառման ընթացքում ստուգվեց ստորաբաժանումների ընդհանուր պատրաստվածությունը, ծառայողական ավտոմեքենաների տեխնիկական սարքինությունը եւ այլն:

Ստուգատեսի ավարտին ստորաբաժանումներն անցան շարային երթով: