Բժիշկները զգուշացնում են առատ տոնական խնջույքներից հետո խիստ դիետաների վտանգի մաիսն: Բժիշկ-գաստրոէնտերոլոգները խորհուրդ են տալիս տոների ընթացքում ավելորդ կիլոգրամներ ձեռք բերած անձնաց սկսել սնվել քիչ եւ հաճախակի:

Առաջարկվում է սնվել օրական հինգ անգամ` փոքր չափաբաժիններով: Ցանկալի է բացառել մարինադը, ապխտած մթերքը, կենդանական ճարպը: Նման կերպ սնվելու պարագայում առողջ օրգանիզմում քաշն ինքն իրեն կարգավորվում է:

Խորհուրդ է տրվում նաեւ բեռնաթափման օրեր կազմակերպել` օրինակ, խնձորային կամ կիեֆիրային: Մասնագետները նախազգուշացնում են, որ  առանձնահատուկ դիետա պահելու անհրաժեշտություն չկա, տեղեկացնում է  «АН-online»-ը:

Դիետոլոգներն առաջարկում են նաեւ ավելացնել ֆիզիկական ծանրաբեռնվածությունը, օրինակ, ավելի շատ քայլել:  Լավ ֆիզիական վիճակի համար անհրաժեշտ է օրական քայլել, վազել, լողալ, պարել առնվազն 30 րոպե: