նախընտրելի դարձնելՉեխիայի փոխվարչապետ եւ ԱԳ նախարար Կարել Շվարցենբերգն ապրիլի 8-12-ին կայցելի Հայաստան եւ Վրաստան:
Հայաստան այցելության ընթացքում (ապրիլի 10-12) նա հանդիպումներ կունենա Հայաստանի նախագահ Սերժ Սարգսյանի, իր գործընկեր Էդվարդ Նալբանդյանի, վարչապետ Տիգրան Սարգսյանի, ԱԺ նախագահ Հովիկ Աբրահամյանի հետ, հաղորդում է Չեխիայի ԱԳՆ կայքը:
Վրաստանում Շվարցենբերգը կհանդիպի այդ երկրի վարչապետ Բիձինա Իվանիշվիլիի, նախագահ Միխայիլ Սահակշվիլիի եւ այլ պաշտոնատար անձանց հետ:
Հայ եւ վրացի պաշտոնյաների հետ հանդիպման ժամանակ կքննարկվեն երկկողմ հարաբերությունները, այդ թվում առեւտրային եւ տնտեսական կապերին վերաբերող խնդիրներ: Օրակարգում կլինեն նաեւ արտաքին քաղաքական հարցերը, ԵՄ-ի հետ հարաբերությունները եւ տարածաշրջանային խնդիրները:
Չեխիայի ԱԳ նախարարին կուղեկցի չեխ գործարարների խումբը:
