Երեկ կապի եւ տրանսպորտի նախարար Գագիկ Բեգլարյանն աշխատանքից ազատել է «Հյուսիս-հարավ ճանապարհային միջանցքի» տնօրեն Արա Հովսեփյանին, ով նախկինում «Հազարամյակի մարտահրավերներ» գրասենյակի գործադիր տնօրենն էր: Այդ մասին գրում է «Հրապարակ» թերթը։

«Նա երիտասարդների այն թիմից է, որի հոգեւոր հայրը համարվում է Սերժ Սարգսյանի փեսան՝ Միքայել Մինասյանը: Մենք չկարողացանք ճշտել՝ արդյո՞ք այս պաշտոնաթողությունը տեղի է ունեցել նախագահի գիտությամբ: Չի բացառվում, որ սա Գագիկ Բեգլարյանի «վրեժն» է Դոմինգոյի եւ իր չկայացած քաղաքապետության համար: Ամեն դեպքում փաստ է, որ Մինասյանն այլեւս ի զորու չէ պաշտպանել իր թիմակիցներին, որոնց հեռացնում են ասպարեզից: Իսկ դա նշանակում է, որ Սերժ Սարգսյանը ձերբազատվել է փեսայի ազդեցությունից եւ իսկապես նրան «աքսորել» Իտալիա»,- գրում է «Հրապարակը»։