նախընտրելի դարձնելՎատիկանում Ռոդրիգո Բորջիայի հարկաբաժիններում նկատվել են հնդկացիների պատկերող առաջին գործը` կատարված եվրոպացի գեղանկարիչների կողմից:
Այն հայտնաբերվել է 1494թ. իտալացի գեղանկարիչ Պինտուրիկիոյի «Հիսուսի Հարությունը» որմնանկարի ռեստավրացիայի ժամանակ: Մաքրելով այն 500 տարվա կեղտից, ռեստավրատորները նրա ետին պլանում նկատել են մերկ մարդկանց` գլխներին փետուրներով, հաղորդում է The Daily Telegraph-ը:
Թանգարանային համալիրի տնօրեն Անտոնիո Պաոլուչիի կարծիքով, նկարչին կարող էին ոգեշնչել Քրիստափոր Կոլումբոսի պատմությունները Ամերիկայի բնիկների մասին: Նա կարծում է, որ սա եվրոպացի բնակիչների կողմից հնդկացիների պատկերման առաջին փորձն է, գրում է «Լենտան»:
Ռոդրիգո Բորջիան Հռոմի Պապ էր դարձել 1492թ-ին` վերցնելով Ալեքսանդր VI անունը: 1503թ. նրա մահվանից հետո Վատիկնում նրա ապարտամենտները չէին օգտագործվել, քանի որ կաթոլիկ եկեղեցու նրան հաջորդող առաջնորդները ոչ մի ընդհանուր բան չէին ցանկացել ունենալ վատահամբավ Պապի հետ:
1889թ-ի Լեւոն XIII Պապը բացել էր Բորջիայի հարկաբաժիններն այցելուների համար: Ներկայումս այնտեղ ցուցադրվում են կրոնական արվեստի նմուշներ:
