Սմարթֆոն օգտագործողների մոտ կախվածությունը նոր մտահոգիչ մակարդակի է հասել: «Jumio» ընկերության հունիսյան հետազոտության արդյունքներով,  18-34  տարեկան ամերիկացիների  20%-ը  իր բջջային սարքն օգտագործում է անգամ սեքսով զբաղվելու ժամանակ:

Նշված տարիքից բարձր անձանց շրջանում սեքսն ու սմարթֆոնը նախընտրել է համատեղել միայն 9% -ը:

Ուշագրավ արդյունքներից է այն, որ հարցվածների 12%-ը սմարթֆոնների հետ լոգանք է ընդունում, 19%-ն այն օգտագործում է  կրոնական արարողությունների ժամանակ,  33%-ն  էլ սիրելի բջջային սարքից չի կարողանում կտրվել անգամ ռոմանտիկ ընթրիքի ժամանակ, 29%-ն էլ խոստովանել է, որ թաքուն կերպով քչփորել է իր սիրելիի սմարթֆոնը, հաղորդում է  «NEWSru.com»-ը: