Երեւանի ավագանու «Բարեւ Երեւան» խմբակցությունը օգոստոսի 7-ին ժամը 11:00-ին Հայաստանի Հանրապետության վարչական դատարան մուտք կանի իր հայցադիմումը «Երեւանի քաղաքապետի   19.07.2013թ.  թիվ  3660-Ա որոշումն առոչինչ ճանաչելու, իսկ  19.07.2013թ. թիվ   3661-Ա   որոշումն   անվավեր   ճանաչելու  պահանջների մասին»: 

Երեւանի ավագանու «Բարեւ Երեւան» խմբակցությունից հայտնում են, թե խմբակցության անդամները տեղում կպատասխանեն նաեւ լրագրողների հարցերին:

Նշենք, որ որոշումները Երեւանում հասարակական տրանսպորտի ուղեվարձի թանկացման մասին են: Երեւանի քաղաքապետը ավելի ուշ միայն կասեցրել էր այդ որոշումները հասարակական բուռն դժգոհության արդյունքում: