Հայաստանում գարնանը տեղացած կարկուտի հետեւանքով մրգային հյութերը չեն թանկանա: NEWS.am-ի թղթակցի հետ զրույցում նման կարծիք հայտնեց  գարեջուր եւ մրգային հյութեր արտադրող «Երեւանյան գարեջուր» ընկերության տնօրեն Աշոտ Բաղդասարյանը:

«Կարկուտն էական հարված է  հասցրել գյուղատնտեսությանը միայն Արմավիրի մարզում: Ուրախ ենք, որ մյուս վայրերում բերքը նորմալ է եղել: Ուստի ընդհանուր առմամբ  վերամշակման հարցում բերքի անբավարարություն չի եղել, իսկ գները շուկայում չեն բարձրացել»,-նշեց Բաղդասարյանը:Հիշեցնենք, որ գրանանը Արմավիրի մարզը, որը համարվում է երկրի կարեւոր գյուղատնտեսական շրջաններից, էապես տուժել էր կարկուտից: