Աշտարակ-Երեւան ճանապարհի 1-ին կմ-ին օգոստոսի 13-ին, ժամը 10.00-ի սահմաններում,  իրար  են բախվել  «Մերսեդես Բենց» եւ  «ՎԱԶ-2106»  մակնիշի ավտոմեքենաներ: «ՎԱԶ-2106»-ի վարորդը մարմնական վնասվածքներով տեղափոխվել է հիվանդանոց:

Օգոստոսի 13-ին, ժամը 13.00-ի սահմաններում, Արարատի մարզի  Շաղափ գյուղի սարերում` «Կուզե» կոչվող տարածքում, «ՈւԱԶ-469»  մակնիշի ավտոմեքենա է կողաշրջվել, ինչի հետեւանքով վարորդը  մարմնական վնասվածքներով տեղափոխվել է հիվանդանոց:

Օգոստոսի 13-ին, ժամը 14.30-ի սահմաններում,   Սեւանի «Մաշտոցներ» կոչվող հանդամասում «ՎԱԶ-21065»  մակնիշի ավտոմեքենա է կողաշրջվել: Վարորդը մարմնական վնասվածքներով տեղափոխվել է հիվանդանոց:

Օգոստոսի 13-ին, ժամը 20.00-ի սահմաններում, Սեւան քաղաքից դեպի «Ախթամար» ռեստորանային համալիր տանող ճանապարհի 3-րդ կմ-ին  «ՎԱԶ-2106»   մակնիշի ավտոմեքենա է դուրս  եկել ճանապարհից եւ շրջվել: Վարորդը մարմնական վնասվածքներով տեղափոխվել է հիվանդանոց:

Ոստիկանության լրատվության վարչությունից հայտնում են, թե բոլոր դեպքերով կատարվում է քննություն: