նախընտրելի դարձնել
Եգիպտոսի պաշտոնանկ արված նախագահ Մուհամմեդ Մուրսիի կողմնակիցները Կահիրեից հյուսիս-արեւմուտք փրկաթուղի են պայթեցրել: Զոհեր եւ վիրավորներ չկան:
Իսլամիստները մի քանի պայթուցիկներ են տեղադրել երկաթգծի տարբեր հատվածներում: Ներկայումս վերականգնողական աշխատանքներ են իրականացվում: Այս մասին հաղորդել է «Ալ-Վաթանը»:
Ավելի վաղօգոստոսի 16-ին «Մահմեդական-եղբայրների» կողմից ահաբեկչության սպառնալիքի պատճառով Եգիպտոսի բոլոր նահանգներում անվտանգության խստացված միջոցներ են ընդունվել: Հատուկ վերահսկողության տակ է վերցվել Կահիրեի կենտրոնական Թահրիր հրապարակը, փոխանցում է «Գոլոս Ռոսսիին»:
Հիշեցնենք, որ անկարգությունները Եգիպտոսում սկսվել են օգոստոսի 14-ից հետո, երբ ոստիկանությունն ու բանակը սկսել էր ցրել պաշտոնանկ արված նախագահի իսլամիստ կողմնակիցների երկու խոշոր ճամբարները: Նախօրեին իսլամիստներն անկարգություններ են կազմակերպել Ալեքսանդրիայում:
Զոհերի թիվը գերազանցում է 600-ը:
