Մայրաքաղաքում ավարտին են մոտենում քաղաքապետարանի 2013թ շինբարեկարգման ծրագրերի շրջանակում ընթացող  թվով 16 գրադարանների շենքերի ջեռուցման համակարգերի անցկացման աշխատանքները:

Երեւանի քաղաքապետարանի տեղեկատվության եւ Հասարակայնության  հետ կապերի վարչությունից հայտնում են, թե աշխատանքների ավարտին ամբողջությամբ  կլուծվի Երեւանի քաղաքապետարանի ենթակայության  բոլոր գրադարանների ջեռուցման խնդիրը: Տարեկան ծրագրով ջեռուցման անհատական համակարգ է անցկացվել նաեւ Կ.Դեմիրճյանի անվան թանգարանում: Ավարտական փուլում են  ծրագրով  նախատեսված թվով 4 ստեղծագործական կենտրոնների  շենքերի ջեռուցման աշխատանքները: Այս ուղղությամբ գործընթացը շարունակվում է Էրեբունի   պատմահնագիտական թանգարանում,  իսկ ժամանակակից արվեստի թանգարանում էլ հիմնանորոգվում է  տանիքը: 

2013թ ծրագրով ավարտին են մոտենում նաեւ Նոր Նորք վարչական շրջանի մշակույթի տան եւ «Հայ Արտ» մշակութային կենտրոնի հիմնանորոգման աշխատանքները: