Ստեփան Շահումյանի ծոռ Մարիա Շահումյանը այցելել է հայրենի Արցախ:

Սեպտեմբերի 8-ին Լեռնային Ղարաբաղի  Հանրապետության նախագահ Բակո Սահակյանը ընդունել է Մարիա Շահումյանին եւ նրա հետ միասին մասնակցել հայտնի գործչի անվան պուրակում կազմակերպված հանդիսավոր միջոցառմանը:  Ինչպես հայտնում են NEWS.am -ին Արցախի նախագահի  մամուլի ծառայությունից, Բակո Սահակյանը ողջունել է Մարիա Շահումյանին իր նախնիների հողում` կարեւորելով պատմական հայրենիքի հետ ամուր կապերի պահպանման անհրաժեշտությունը:

Միջոցառմանը մասնակցում էին Հայ Առաքելական եկեղեցու Արցախի թեմի առաջնորդ Պարգեւ արքեպիսկոպոս Մարտիրոսյանը, ԱԺ խոսնակ Աշոտ Ղուլյանը, վարչապետ Արա Հարությունյանը, հյուրեր արտերկրից, պաշտոնատար այլ անձինք: