նախընտրելի դարձնել
Նիգերիայի հյուսիս արեւելքում գտնվող գյուղերից մեկը գրոհայինների հարձակման է ենթարկվել, ենթադրվում է՝ դրանք ծայրահեղական «Բոքո Հարամ» խմբավորման անդամներ են եղել: Առնվազն 87 մարդ զոհվել է: Զոհվածների որոնումը շարունակվում է:
Տեղի իշխանությունների խոսքով՝ գրոհայինները կառավարական բանակի զինվորների անվան տակ մտել են գյուղ եւ սկսել այրել տները: Նրանք նաեւ անցակետ են տեղադրել մոտակա մայրուղում եւ սկսել կրակել մոտեցող մեքենաների ուղղությամբ, հայտնում է BBC-ի ռուսական ծառայությունը:
Նիգերիայի բանակը լայնածավալ ռազմական գործողություն է իրականացնում երկրի հյուսիսարեւելյան իսլամիստ գրոհայինների դեմ:
«Բոքո Հարամ» խմբավորումը, որը ցանկանում է Նիգերիան դարձնել իսլամական պետության, մեղադրվում է հարյուրավոր մարդկանց մահվան համար:
