Չինական կողմի հրավերով սեպտեմբերի 24-27-ին Գյումրիի քաղաքապետ Սամվել Բալասանյանի գլխավորած պատվիրակությունը կմեկնի Չինաստանի Սիան քաղաք՝ «Եվրասիական տնտեսական ֆորում 2013» ին մասնակցելու նպատակով:

Գյումրիի քաղաքապետարանի մամուլի ծառայությունից հայտնում են, որ ֆորումի շրջանակներում նախատեսված  է Գյումրիի քաղաքապետի  ելույթը, ինչպես նաեւ հանդիպումներ տեղական իշխանությունների  ու  ֆորումի մասնակից  երկրների  ներկայացուցիչների  հետ:

Հիշեցնենք` այս տարվա հունիսին Գյումրի էր ժամանել Սիան քաղաքի պատվիրակությունը, որի ընթացքում Գյումրի եւ Սիան քաղաքների միջեւ կնքվել էր համաձայնագիր, ըստ որի  երկու քաղաքները  հռչակվել են քույր քաղաքներ: