Ըստ Վենեսուելայի նախագահ Նիկոլաս Մադուրոյի՝ հանցավորության մակարդակի աճը կապված է ագրեսիվ հեռուստասերիալների հետ, որոնք դիտում են միլիոնավոր մարդիկ: Նախագահը հատկապես զայրանում է այն հաղորդումներից, որտեղ կերպարները մարդ են սպանում, սակայն ներկայացվում են որպես հերոս:

Նախագահը նաեւ հայտարարել է, որ պատրաստվում է «երկրում խաղաղ մշակույթ կառուցել», եւ կապի նախարար Դելսի Ռոդրիգեսին հրամայել է ստուգել բոլոր հեռուստահաղորդումների բովանդակությունը, հայտնում է «ՌԻԱ Նովոստին»: 

Մադուրոն նաեւ ընդգծել է, որ հասարակությունում բռնությունը եւ ատելությունն աճում են ոչ միայն սերիալների եւ ֆիլմերի պատճառով, այլ նաեւ լրատվամիջոցների բովանդակության:

Արդյունքում արդեն դեռահաս տարիքում տեղի երեխաները  զենք են վերցնում եւ փորձում կյանքը կառուցել բռնության հիմքով:

Հիշեցնենք, որ Վենեսուելայի նախագահը խոստացել էր խստացնել բռնության դեմ պայքարի մեթոդները՝ գեղեցկուհի Մոնիկա Սպիրի սպանությունից հետո:

Վենեսուելայում սպանել են նախկին «Միսս Վենեսուելային» եւ նրա ամուսնուն