Երեւանում հունվարի 20-ին՝ ժամը 21:00-ի սահմաններում, տեղի է ունեցել շղթայական ավտովթար, վիրավորներին հիվանդանոց են տեղափոխել Ճանապարհային ոստիկանները: Այս մասին NEWS.am-ի թղթակցի հետ զրույցում ասաց Երեւանի ՃՈ պետ Արսեն Արշակյանը, ով գիշերը գնացել է դեպքի վայր:
Նա տեղեկացրեց, որ Կիեւյան փողոցում թիվ 1 շենքի դիմաց Երեւանի բնակիչ 25-ամյա Հովհաննես Մանասյանի Nissan Pathfinder մակնիշի մեքենան բախվել է թիվ 52 Ա երթուղին սպասարկող ГАЗель մակնիշի մեքենային, վերջինս էլ՝ թիվ 6 երթուղին սպասարկող ГАЗель-ին:
Հիվանդանոց է տեղափոխվել 6 հոգի, որոնցից երկուսը՝ մանկահասակ երեխաներ: Արսեն Արշակյանը տեղեկացրեց, որ մնացած 4-ին ՃՈ 1-ին սպայական գումարտակի աշխատակիցներն են տեղափոխել:
ՃՈ-ի պետի փոխանցմամբ՝ վթարի հետեւանքով միայն մեկ հոգի մարմնական վնասվածքներ ուներ:
Դեպքի առթիվ նյութեր են նախապատրաստվում:




























