նախընտրելի դարձնել44-ամյա Ավագ Գրիգորյանը նախկին ընկերուհուն սպառնացել է իր կողմից արված նրա մերկ լուսանկարները տարածել, եթե վերջինս 3 հազար դոլար չվճարի: Դատական տեղեկատվական համակարգից NEWS.am-ը տեղեկացավ, որ սույն գործը քննվելու է Կոտայքի մարզի ընդհանուր իրավասության դատարանում:
44-ամյա Ավագ Գրիգորյանին մեղադրանք է առաջադրվել այն բանի համար, որ նա նախկինում իր հետ մտերիմ հարաբերությունների մեջ գտնված Մ.Մ.-ի կողմից իրենց հարաբերությունները դադարեցնելու կապակցությամբ, նրա մասին արատավորող տեղեկություններ, այն է ` մտերիմ եղած ժամանակահատվածում իր կողմից կատարած Մ.Մ.-ի մերկ լուսանկարները ցուցադրել նրա ծնողներին եւ տարածել հասարակական վայրերում: Այդ քայլին չգնալու համար նապահանջել է 3 հազար ԱՄՆ դոլար:
Քրեական գործ է հարուցվել 182 հոդվածի 2-րդ մասի 3.1 կետով: Խափանման միջոց ընտրվել է կալանավորումը: Գործը Կոտայքի մարզի ընդհանուր իրավասության դատարանում վարույթ է ընդունվել հունվարի 24-ին: Առաջիկայում կնշանակվի դատական քննության օրը:
