Վիրտուալ արժույթները ռուբլու, արտասահմանյան արժույթի եւ ապրանքների վերածելը Ռուսաստանի բանկը կդիտարկի որպես կասկածելի գործարքներում պոտենցիալ ներգրավվածություն։

Համապատասխան նախազգուշացում Ռուսաստանի բանկն արել է ռուսաստանյան իրավաբանական անձանց։

Ռուսաստանի բանկը նշում է, որ վերջերս աշխարհում որոշակի տարածում են գտել այսպես կոչված վիրտուալ փողերը, մասնավորապես՝ բիթքոյինները։

ՌԴ ԿԲ-ն քաղաքացիներին եւ իրավաբանական անձանց, վարկային եւ ոչ վարկային ֆինանսական կազմակերպություններին զգուշացնում է չօգտագործել վիրտուալ արժույթ`  դրանք ապրանքներով (աշխատանք, ծառայություններ) կամ իսկական փողերով փոխանակելու համար:

Նշենք, որ 2013թ. դեկտեմբերին ՉԺՀ-ի ԿԲ-ն ֆինանսական ինստիտուտներին արգելել էր Bitcoin վիրտուալ տարադրամով գործարքներ կատարել: Չինաստանի Ժողովրդական բանկի հայտարարության մեջ ասվում էր, որ  Bitcoin-ը դեռ վտանգ չի ներկայացնում երկրի ֆինանսական կայունությանը, սակայն ֆինանսական համակարգի համար սպառնալիք է պարունակում:

ԱՄՆ-ում ձերբակալել են Bitcoin-բորսայի ղեկավարին

Լոնդոնում բացվել է վիրտուալ տարադրամի աշխարհում առաջին պահուստը