նախընտրելի դարձնելՍտրասբուգում հունվարի 29-ին կայացել է Հայաստանի գլխավոր դատախազ Գեւորգ Կոստանյանի եւ Մարդու իրավունքների եվրոպական դատարանի նախագահ Դին Շպիլմանի հանդիպումը:
Գլխավոր դատախազության մամուլի ծառայությունից հայտնում են, որ ՀՀ գլխավոր դատախազը վերահաստատել է, որ Հայաստանի Հանրապետությունը բարձր է գնահատում Եվրոպական դատարանի դերը մարդու իրավունքների արդյունավետ պաշտպանության եւ ժողովրդավարության ամրապնդման գործում:
Հանդիպմանն, ի թիվս այլ կարեւոր հարցերի, քննարկվել են ՀՀ դատախազության եւ Եվրոպական դատարանի միջեւ ուղղակի համագործակցության, դատարանի նախադեպերի արդյունավետ կիրառման եւ այդ առումով դատախազների մասնագիտական կարողությունների բարձրացմանն առնչվող հարցեր:
