նախընտրելի դարձնելԱՄՆ-ի ութ նահանգների՝ Վիրջինիայի, Մերիլենդի, Հյուսիսային եւ Հարավային Կարոլինայի, Ջորջիայի, Ալաբամայի, Միսիսիպիի եւ Լուիզիանայի իշխանություններն արտակարգ դրության ռեժիմ կիրառելու մասին են հայտարարել՝ տարերքի պատճառով:
Թեքսաս նահանգում ձյան տեղումների զոհ է դարձել չորս մարդ, որոնք զոհվել են ավտոպատահարներից կամ ձնամաքրման աշխատանքների ժամանակ դժբախտ դեպքերից:
ԱՄՆ-ի ողջ տարածքում մոտ 3000 չվերթ է հետաձգվել: Բացի այդ, Հյուսիսային Կարոլինայում եւ Ջորջիայում մինչեւ փետրվարի 13-ը դպրոցները չեն գործի: Բնակիչներին կոչ են անում առանց ծայրահեղ անհրաժեշտության չլքել տները:
Ազգային օդերեւութաբանական բյուրոյի տվյալով՝ առաջիկա օրերին անբարենպաստ եղանակ կդիտվի ԱՄՆ-ի հարավային եւ հյուսիսարեւելյան եւս 16 նահանգներում՝ Թեքսասից մինչեւ Նյու Ջերսի, որտեղ 90 միլիոնից ավելի մարդ է բնակվում: Ձյունը, ըստ մասնագետների, տարածաշրջանում վերջին 10-20 տարում ամենասաստիկը կլինի:
Հիշեցնենք, 2014-ին ԱՄՆ-ում մեկ անգամ արդեն գրանցվել էին աննախադեպ տեղումներ: Հունվարին երկրի հարավ-արեւելքում ձնաբուքից առնվազն 13 մարդ էր զոհվել: Նվազագույնը ինը մարդ զոհվել էր հունվարի սկզբի փոթորիկներից:
Ձյունն ուղեկցվում է երկրի համար անսովոր ցածր ջերմաստիճանով: Մի քանի շրջաններում սառնամանիքները ռեկորդային են եղել:
Հունվարի սկզբին սառել էր Նիագարայի ջրվեժը: Նման բան պատմության ընթացքում ընդամենը երկու անգամ էր տեղի ունեցել՝ 1848 եւ 1912 թվականներին:
