Boeing 737 օդանավը, որում 77 ուղեւոր կար, վթարային վայրէջք է կատարել Վարշավայի Ֆրեդերիկ Շոպենի օդանավակայանում, հայտնում է  «Ինտերֆաքսը»՝ վկայակոչելով  «Տրանսաերո»-ի մամուլի ծառայությունը:

Ավիափոխադրողի մամուլի ծառայությունում բացատրել են, որ վայրէջքը կատարվել է օդանավի օդափոխության համակարգի աշխատանքի խափանման պատճառով:  Անձնակազմի անդամներից եւ ուղեւորներից ոչ ոք չի տուժել:

Ուղեւորները Մադրիդ կհասնեն ռեզերվային օդանավով, որը նրանց հետեւից ուղարկվել է Մոսկվայից: