ԱՄՆ-ում փրկարարական ծառայությունը փրկել է  տղամարդուն, որը փորձել էր  ինքնաշեն փչովի փոխադրամիջոցով Ֆլորիդաի ափերից լողալով հասնել Բերմուդյան կղզիներ, փոխանցում է Lenta.ru-ն:

Երբ փրկարարները ցանկացել են  օգնել տղամարդուն, վերջինս ուժասպառ վիճակում է եղել:

Ռեզա Բալուչին ճամփորդությունը սկսել էր  հոկտեմբերի 1-ին: Երեք օր անց նա մոլորվել էր եւ ակտիվացրել ռադիոազդանշանը: Փրկարարները օգնության էին հասել:  Նրա լողացող փոխադրամիջոցը ուղղաթիռով բարձրացրել են եւ  հասցրել ափ: 

Աղբյուրը նշում է, որ Բալուչին ճամփորդությունը նախաձեռնել էր երեխաների համար բարեգործական միջոցներ հավաքելու նպատակով:  Նավարկության ժամանակ նա սնվել է էներգետիկ շոկոլադներով եւ ձուկ որսացել: Փոխադրամիջոցի կառուցվածքը տղամարդուն հնարավորություն է տվել լողալ ծովում: Ներսում նաեւ ճոճացանց է կապած եղել: