նախընտրելի դարձնելՔալիֆորնիայի Բըրբենք քաղաքում 43-ամյա հայը կալանավորվել է հարբած վիճակում մեքենա վարելու համար, որում գտնվում էին իր երկու մանկահասակ որդիները: Այս մասին գրում է «Burbank Leader» թերթը:
Գինու խանութում մի կին զրուցել է Ռոբերտ Հակոբյանի հետ եւ նրա վրայից ալկոհոլի հոտ զգացել: Երբ նա տեսել է, որ տղամարդը մեքենա է նստել երկու երեխաների հետ, ոստիկանություն է զանգահարել, քանի որ անհանգստացել է նրանց անվտանգության համար:
Ոստիկանությունը կանգնեցրել է Հակոբյանին, որը նախկինում դատվել էր հարբած վիճակում վարելու համար: Նրա 4 եւ 6 տարեկան որդիները մեքենայում են եղել: Երեխաները հանձնվել են բարեկամների խնամքին: Հակոբյանը կալանավորվել է երեխաների կյանքը վտանգի ենթարկելով ոչ սթափ վիճակում վարելու համար: Նա ազատվել է 100 հազար դոլար գրավի դիմաց եւ մյուս ամիս պետք է պատասխան տա դատարանում:
