նախընտրելի դարձնելՕգոստոս 3-ից Հայաստանում մեկնարկում է Հնչակյան երիտասարդների բանակումը` «Հայրենեաց հողի կանչով» խորագրի ներքո: Ինչպես NEWS.am-ը տեղեկանում է ՍԴՀԿ մամլո դիվանի պատասխանատու Նարեկ Գալստյանից, աշխարհի բազմաթիվ երկրներից ժամանած Սփյուռքի Հնչակյան երիտասարդները Հայաստանի իրենց կուսակցական ընկերների հետ միասին 5 օր կանցկացնեն բանակավայրում: Բանակումի կյանքը կուղեկցվի դասախոսություններով, խաղերով, մարզական մրցույթներով եւ հետաքրքիր այլ միջոցառումներով: Բանակումի մասնակիցների թիվը հասնում է շուրջ 200 հոգու:
Բանակումի ժամանակ դասախոսություններով հանդես կգան ՍԴՀԿ Հայաստանի կազմակերպության ղեկավար ընկերները, Սփյուռքի հայ գաղթօջախների գործիչներ, պատգամավորներ:
