նախընտրելի դարձնել
ԼՂՀ Ազգային ժողովը Հայոց ցեղասպանության 100-րդ տարելիցի առիթվ հանդես է եկել հայտարարությամբ:
Հայտարարությունում ասվում է.
«Լեռնային Ղարաբաղի Հանրապետության Ազգային ժողովը`
– հիմք ընդունելով ՄԱԿ-ի Գլխավոր վեհաժողովի՝ 1948 թվականի դեկտեմբերի 9-ին ընդունած «Ցեղասպանության հանցագործությունը կանխարգելելու եւ պատժելու մասին» Կոնվենցիան, շեշտելով ցեղասպանության հանցագործության վաղեմության ժամկետ չունենալու հանգամանքը,
– ոգեկոչելով 1894-1923 թվականներին Օսմանյան կայսրության եւ Թուրքիայի տարբեր վարչակարգերի կողմից Արեւմտյան Հայաստանում իրականացրած ցեղասպանության զոհերին,
– կարեւորելով ցեղասպանության 100-րդ տարելիցի Համահայկական հռչակագիրը,
– երախտագիտություն հայտնելով այն պետությունների խորհրդարաններին,
պետական եւ տեղական կառույցներին ու միջազգային կազմակերպություններին, որոնք պաշտոնապես ճանաչել են Հայոց ցեղասպանությունը, ընդունել Հայոց ցեղասպանության ժխտումը քրեականացնող օրենքներ՝
կոչ է անում մյուս երկրների խորհրդարաններին, միջխորհրդարանական եւ միջազգային կազմակերպություններին պաշտոնապես ճանաչել Օսմանյան կայսրության եւ Թուրքիայի տարբեր վարչակարգերի կողմից 1894-1923 թվականներին Արեւմտյան Հայաստանում իրականացրած Հայոց ցեղասպանությունը՝ որպես մարդկության դեմ հանցագործություն»:
