Նախընտրելի
Աշխարհում տեղահանված փախստականների թիվը հետպատերազմյան շրջանից ի վեր հասել է ամենաբարձր կետին։ Այս մասին ասված է ՄԱԿ Փախստականների հարցերով գործակալության զեկույցում։
Գործակալության տվյալներով՝ 2014թ. մեր մոլորակի վրա եղել է 60 մլն բռնի տեղահանված անձ։ Նրանց մոտ կեսը երեխաներ են։ Անցյալ տարի փախստական է դարձել 13,9 մլն մարդ, որոնցից իրենց տներն են վերադարձել միայն 127 հազարը։ Սա վերջին 30 տարիների ամենավատ արդյունքն է, գրում է Lenta.ru-ն։
Ամենից հաճախ մարդիկ փախչում են հակամարտության գոտիներից՝ Մերձավոր Արեւելքից, Աֆրիկայից։ Ասիայում փախստականների ռեկորդակիրը Մյանմարն է։
