Նախընտրելի
ՀՀ քննչական կոմիետեի Երեւան քաղաքի քննչական վարչության Շենգավիթ վարչական շրջանի քննչական բաժնում ավարտվել է տաքսու վարորդի նկատմամբ դանակի գործադրմամբ ավազակային հարձակում կատարելու դեպքի առթիվ հարուցված քրեական գործի նախաքննությունը։
Նախաքննությամբ պարզվել են 2015թ. փետրվարի 22-ին Երեւան քաղաքի Բագրատունյաց եւ Չեխով փողոցների խաչմերուկում տաքսի ավտոմեքենայի վարորդի նկատմամբ կատարված ավազակային հարձակման հանգամանքները, առերեւույթ հանցագործություն կատարած անձի ինքնությունը։
Քննությամբ ձեռք բերված ապացույցների համաձայն՝ 34-ամյա քաղաքացին փետրվարի 22-ի առավոտյան՝ ժամը 08։00-08։30-ի սահմաններում,«Գարեգին Նժդեհ» հրապարակում վիճել է «Օպել» մակնիշի տաքսի ավտոմեքենայի վարորդի հետ՝ ավտոմեքենան խախտումներով վարելու համար։ Ապա Բագրատունյաց եւ Չեխով փողոցների խաչմերուկում, դանակի գործադրմամբ, նույն տաքսու վարորդի նկատմամբ վտանգավոր բռնություն գործադրելու սպառնալիքով նրանից հափշտակել է թեւնոցը, 13.000 ՀՀ դրամ ու հեռացել։
Մինչդատական վարույթում ձեռք բերված ապացույցների համակցությամբ՝ 34-ամյա տղամարդուն մեղադրանք է առաջադրվել ՀՀ քրեական օրենսգրքի 175-րդ հոդվածի 2-րդ մասի 4-րդ կետի հատկանիշներով, նրա նկատմամբ որպես խափանման միջոց է ընտրվել կալանավորումը:
Քրեական գործը՝ մեղադրական եզրակացությամբ, ուղարկվել է նախաքննության օրինականության նկատմամբ հսկողություն իրականացնող դատախազին, ինչը հաստատվել է, եւ քրեական գործը՝ մեղադրական եզրակացությամբ, ուղարվել է Երեւան քաղաքի Շենգավիթ վարչական շրջանի ընդհանուր իրավասության առաջին ատյանի դատարան:
