Մումբայի Թհանե արվարձանում բնակելի շենքի փլուզումից առնվազն 11 մարդ է մահացել։ Այս մասին հայտնում է Հնդկաստանի ոստիկանությունը։ Փլատակների տակից  փրկարարները 7 մարդ են հանել։ Ոստիկանության տեղեկություններով՝ փալատակների տակ դեռ կարող են մարդիկ լինել։

Իշխանությունների փոխանցմամբ՝ բնակելի շենքը կառուցվել էր 50 տարի առաջ եւ վնասվել էր հորդառատ անձրեւներից։

Դեռեւս 2 տարի առաջ հայտնի էր դարձել, որ շենքը բնակության համար անվտանգ չէ, սակայն որոշ ընտանիքներ շարունակում էին այնտեղ բնակվել, փոխանցում է BBC-ի Ռուսական ծառայությունը։ Մումբայում անշարժ գույքի շուկան  Ասիայում ամենաթանկ շուկաներից մեկն է։ Այդ պատճառով բնակչության 60 տոկոսն ապրում է հետնախորշերում։

Վերջին 2 տարում Մումբայում  տների փլուզումից ավելի քան 100 մարդ է մահացել։