նախընտրելի դարձնելՀայաստանի խորհրդարանը 1-ին ընթերցմամբ օրինագիծ է ընդունել գյուղերի եւ փոքր քաղաքների գոտիական գլխավոր հատակագծերի մասին: «Քաղաքաշինության մասին» օրենքում համապատասխան փոփոխությունների նախագիծն ընդունվել 85 կողմ, 2 դեմ եւ 7 ձեռնպահ ձայնով:
Օրինագիծը նախատեսում է տնտեսական, սոցիալական եւ տրանսպորտային առումով իրար կապված մի քանի գյուղից կազմված փնջերի համար գոտիական գլխավոր հատակագծերի ստեղծում: Գոտիական հատակագծերում կարտացոլվեն նաեւ առանձին գյուղերի եւ քաղաքների զարգացման պահանջմունքները:
Նշենք, որ երկրի 49 քաղաքից ընդամենը 43-ի համար է հատակագիծ կազմվել, իսկ 866 գյուղական համայնքից միայն 52-ի համար: Այդ հատակագծերի մեծ մասը կազվել է 2004-07 թթ պետբյուջեի միջոցներով:
Գլխավոր հատակագծերի կազմման համար միջոցների մեծ մասը կտրամադրի կառավարությունը, ընդ որում նման մոտեցման դեպքում ծախսերը զգալիորեն կկրճատվեն: Եթե այժմ աշխատանքների ընդհանուր ճակատը գնահատվում է 4,5 – 5 մլրդ դրամ (մինչեւ 10 մլն դոլար եւ ավելի - խմբ), ապա գոտիական հատակագծերի կազմումը ընդհանուր արժեքը կնվազեցնի մինչեւ 1,5 մլրդ:
