նախընտրելի դարձնելՀամատեղ անվտանգության պայմանագրի կազմակերպության (ՀԱՊԿ) անդամ երկրների արտգործնախարարները Մոսկվայում դեկտեմբերի 21-ին Արտգործնախարարների խորհրդի նիստին (ԱԳՆԽ) կքննարկեն միջազգային ահաբեկչության դեմ պայքարի խնդիրներ: Այդ մասին հայտնել են ՌԴ ԱԳՆ-ից, տեղեկացնում է ՏԱՍՍ-ը:
«Կազմակերպության անդամ երկրների ներկայացուցիչները կքննարկեն հարցերի համալիր, որը քննարկման կդրվի ՀԱՊԿ Համատեղ անվտանգության խորհրդի նիստին, որը տեղի կունենա նույն օրը` Կրեմլում, տեղեկացրել են ռուսական դիվանագիտական գերատեսչությունից: Սեւեռուն ուշադրություն կհատկացվի միջազգային ահաբեկչության դեմ պայքարին եւ դրա հետ կապված մարտահրավերների եւ սպառնալիքների կանխարգելման միջոցներին»:
«Նախարարները կարծիքներ կփոխանակեն ՀԱՊԿ մշտական աշխատանքային մարմինների հետագա կատարելագործման ուղղությամբ», - հավելել են նախարարությունից:
Ավելի վաղ ՌԴ նախագահի օգնական Յուրի Ուշակովը հայտնել է, որ կազմակերպության անդամ երկրների առաջնորդները Համատեղ անվտանգության խորհրդի նիստին հայտարարություն կընդունեն ահաբեկչության դեմ պայքարի վերաբերյալ:
