նախընտրելի դարձնել
2010 թվականի հուվար-օգոստոս ժամանակահատվածում ՀՀ ֆինանսների նախարարության կողմից տրամադրվել է աուդիտորական ծառայությունների իրականացման 12 լիցենզիա, լիցենզիայի տրամադրման 2 հայտ մերժվել է: Նույն ժամանակահատվածում դադարեցվել է 3 եւ կասեցվել 2 լիցենզիայի գործողություն, միեւնույն ժամանակ 3 լիցենզիայի գործողությունը հանվել է կասեցումից:
Ֆինանսների նախարարության մամուլի ծառայությունից NEWS.am-ին հայտնում են, որ ընթացիկ տարվա ութ ամիսներին օրենքով սահմանված կարգի համաձայն, այս ոլորտից գանձվել է 6 մլն 722 500 դրամ պետական տուրք, որից 6 մլն 522 500 դրամը` աուդիտորական կազմակերպություններից, իսկ 200 հազար դրամը` անհատ աուդիտորներից:
Աուդիտ իրականացնող անձանցից գանձվել է նաեւ տուգանք 1 մլն 710 հազար դրամի չափով:
ՀՀ տարածքում օգոստոսի 1-ի դրությամբ լիցենզավորված են 36 աուդիտորական կազմակերպություն եւ 7 անհատ աուդիտոր:
