ՆախընտրելիՂարաբաղյան հակամարտության գոտում պատերազմի սկսման ոչ մի ռացիոնալ հնարավորություն չկա: Այդ մասին դեկտեմբերի 22-ի մամուլի ասուլիսին հայտնել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:
Նրա խոսքով, Ադրբեջանի հետ Հայաստանի եւ Լեռնային Ղարաբաղի սահմաններին միջադեպերի քանակական եւ որակական (զենքի կիրառության իմաստով) աճը նորություն չէ: «Ադրբեջանական կողմը ռացիոնալ կարիք ունի, որ սահմանին կրակոցները շարունակվեն: Ադրբեջանում չափազանց հետաքրքիր դեպքեր են տեղի ունենում. շատ կտրուկ նվազում է ոսկու պահուստը, արժեզրկում է տեղի ունենում, այդ ամենը տնտեսական լուրջ ճգնաժամի ցուցանիշներ են: Դա այդպիսի ռազմավարություն է, որպեսզի բանակցություններին քննարկվեն ոչ թե զիջումները կամ փոխզիջման եւ կարգավորման հասնելու փորձերը, այլ ուղղակի քննարկվեն հրաձգության նվազեցման հնարավորությունները», - նշել է Իսկանդարյանը:
