նախընտրելի դարձնելՆախատեսված է մի քիչ նվազեցնել Իրանի հետ սահմանին ՀԷԿ-ի նախագծային հզորությունը: Այդ մասին դեկտեմբերի 23-ին լրագրողներին հայտնել է Հայաստանի էներգետիկայի նախարար Երվանդ Զախարյանը Երեւանում հայ-իրանական միջկառավարական հանձնաժողովի շրջանակում ճեպազրույցին:
«Մեղրիի ՀԷԿ-ի հզորությունը, որը նախատեսված է կառուցել Արաքս գետի վրա, ավելի վաղ նախատեսված էր 130 ՄՎտ, իսկ այժմ որոշվել է կանգ առնել 100-ի վրա: Սպասում ենք իրանական կողմին, որպեսզի վերջնական որոշում կայացնենք տեխնիկական եւ այլ հարցերով», - հավելել է Զախարյանը:
Մեղրիի ՀԷԿ-ի հիմնարկեքի արարողությունը տեղի է ունեցել 2012-ի դեկտեմբերին: Նախատեսված է Արաքսի իրանական կողմում եւս մի ՀԷԿ կառուցել` Գարաչարինյանը:
Մեղրիի ՀԷԿ-ի շինարարության արժեքը ավելի վաղ 323 մլն դոլար էր գնահատվել: Նախատեսված է, որ այդ գումարը տրամադրելու է Իրանը: Կայանի աշխատանքի առաջին 15 տարիներին Իրան կմատակարարվի նրա ամբողջ էներգիան շինարարության ծախսերը ծածկելու համար: Դրանից հետո կայանը կանցնի Հայաստանի կառավարմանը:
