նախընտրելի դարձնելԿահիրեն դատապարտում է Իրաքի տարածքում թուրքական զորքեր տեղակայելը եւ պահանջում է դուրս բերել դրանք: Այս մասին Արաբական պետությունների լիգայի արտահերթ նիստի ժամանակ ասել է Եգիպտոսի արտգործնախարար Սամեհ Շուքրին:
«Մենք դատապարտում ենք Անկարային Իրաքի տարածք ներխուժելու համար եւ պահանջում ենք դուրս բերել զորքերը», — ասել է Շուքրին, փոխանցում է «ՌԻԱ Նովոստի»-ն:
Ավելի վաղ Արաբական պետությունների լիգայի արտահերթ նիստի ժամանակ կազմակերպության գլխավոր քարտուղար Նաբիլ ալ Արաբին դատապարտել էր Իրաքում թուրք զինվորականներ տեղակայելը՝ նշելով, որ դա այդ երկրի միջազգային իրավունքների եւ ինքնիշխանության ոտնահարում է:
Իրաքի իշխանությունների վստահեցմամբ՝ դեկտեմբերի 4-ին Թուրքիայի զինվորականներն ու զրահատեխնիկան մտել են Իրաքի Նինվե նահանգ՝ ահաբեկիչների դեմ պայքարող աշխարհազորայիններին մարզելու պատրվակով:
Իրաքի իշխանությունները Թուրքիայի այդ արարքը որակել են որպես թշնամական:
