նախընտրելի դարձնել15 տարի առաջ թեմատիկ Lego խաղալիք գնածները դրանց վաճառքի դեպքում ավելի շատ կվաստակեն, քան նրանք, ովքեր փող են ներդրել բաժնետոմսերի, ոսկու մեջ կամ դեպոզիտներից են օգտվել: Նման եզրակացության են հանգել բրիտանական The Telegraph թերթի վերլուծաբանները:
Փորձագետները պարզել են, որ FTSE 100 ինդեքսը (հիմնվում է Լոնդոնի ֆոնդային բորսայում առավելագույն կապիտալն ունեցող 100 ընկերության բաժնետոմսերի փոխարժեքի վրա) քիչ է փոխվել 2000 թվականի համեմատ: Այդ ընթացքում բաժնետերերն իրենց միջինտարեկան եկամուտն ավելացրել են ընդամենը 4,1 տոկոսով, գրում է Lenta-ն:
Այն մարդկանց ակտիվների տարեկան աճը, որոնք փող էին ներդրել ոսկու մեջ, այս ընթացքում 9,6 տոկոս է կազմել: Միաժամանակ նրանք, ովքեր նախընտրել են փողը պահել բանկային հաշիվներում, իրենց խնայողությունները ավելացրել են տարեկան ընդամենը 2,8 տոկոսով, վկայում են Hargreaves Lansdown ընկերության տվյալները, որոնք վկայակոչում է պարբերականը:
Իսկ սկզբանական տեսքը պահպանած Lego թեմատիկ կոնստրուկտորների գինը, որոնց թողարկումը դադարեցվել է 2000-երին, ամեն 12 ամիսը մեկ շուկայում աճել է մոտավորապես 12 տոկոսով: Ընդ որում նույնիսկ անցյալ տարի, 2015-ին գնված խաղերը հնարավոր է eBay-ում վաճառել 36 տոկոս հավելավճարով, նշում են փորձագետները:
